? دكتورة ليش بضل اسمعن يحكو عن شهر نوفمبر؟
شو في بهالشهر؟
? مابتعرف! هيدا شهر الكشف المبكر عن #سرطان_البروستات?
? آه لهيك بتنطلق الحملة العالمية #NO_SHAVE_NOVEMBER (لا حلاقة في شهر تشرين الثاني)
? تماماً تضامناً مع مرضى السرطان ولتسليط الضو على الأمراض يلي بعانو منها الذكور فقط! ( الله يعينن للحلّاقين?)
? طيب ليش كل هاد عميصير؟ كل هالقد مهم؟
? طبعاً… لأنو سرطان البروستات هو من أشيع السرطانات يلي بتصيب الذكور وتاني سبب للوفيات عندن بعد سرطان الرئة
ولأنو كمان إذا تم الكشف عنو مبكّراً بيرفع معدّل البقيا لنسبة عالية ممكن توصل ل 100%!
? عنجد شي حلو كتير كتير ?.. طيب شو لازم نعمل لنكشفو مبكراً دكتورة؟
? هون منعمل شي بيختلف عن يلي منعملو بالكشف عن سرطان الثدي… منعمل تحليل دم لنعاير فيه مستوى المستضد البروستاتي (PSA)
بالإضافة لهالشي أثناء فحص المريض منعمل مسّ شرجي لنفحص الغدة ونشوف كيف قواما واذا في مؤشر على وجود السرطان متل القساوة أو التصلّب
? طيب وبأي عمر لازم نبلش نعمل هالتحليل؟
? يفضل نحنا نبلش من عمر ال 50 سنة وفي حال وجود قصة عائلية للسرطان (مثلا الأب مصاب أو العم أو الأخ….) يفضل نبلش من عمر ال 40 سنة
? طيب وكيف منشخصو مافهمت؟
? هلا نحنا عمنعمل تحليل الPSA كل فترة.. في حال كانت القيمة مو طبيعية منراجع الطبيب وهو بيقوم بفحص المريض وفي حال شكينا بالسرطان منعمل تصوير إيكو عبر الشرج.. وإذا وجهتني لخباثة وقتا بعمل (( خزعة بروستات)) يلي هي المعيار الذهبي بالتشخيص??
? هلا دكتورة هو إلو أعراض؟ ?
? هو بغالب الأحيان بيكون صامت سريرياً? ومافي أي أعراض (ولهالشي نحنا لازم نعمل كشف مبكر?) وفي حال وجود أعراض عند بعض المرضى ممكن نلاحظ تعدّد بيلات ليليّة مع آلام وحرقة أثناء التبوّل…وإذا كتير كتير أهملنا بيعمل انتقالات للعظم وبيسبب آلام شديدة فيها…
? يعني في علاج ولا لا؟ خفت أنا ?
? لا ماتخاف…في حال نحنا قمنا بالكشف المبكر متل ماحكينا فوق فممكن توصل نسبة الشفاء ل 100%❤️
العلاج بيكون حسب الحالة… ومنناقشا مع المريض
فإذا كشفناه ببدايتو منقوم باستئصال غدة البروستات جراحياً مع تجريف العقد اللمفاوية المصابة وممكن ببعض الحالات نضيف العلاج الشعاعي… وفي حال وجود انتقالات للورم فينا نستخدم العلاج الكيماوي…
وكمان ماننسى انو نتبع نظام غذائي صحي منخفض الدهون المشبعة وغني بالخضار والفواكه??… ونمارس بالرياضة بشكل منتظم?️♂️.. ونبتعد عن التدخين ?
لأنك أنتَ كتير مهم❤️… لأنك أنتَ سند البيت ?
لأنك قوي كتير ?… ولأنو الكل بحاجتك❤️ لأنك الحياة?
لاتنسا تقوم بإجراء اختبار الPSA دورياً ?❤️
لأنك… أقوى من السرطان ???
كنتُ معكم وفاء كنجو ?
المصادر:
https://www.researchgate.net/publication/281593033_Epidemiology_Etiology_Diagnosis_and_Treatment_of_Prostate_Cancer
