? أيوه بقى هو أنتِ بتعملي أيه ؟ شو هالتعويذات يلي عم تقليلي ياها وليش عم تطلعيلي لسانك مو عأساس عيب هالشي .. ماما جننتك أنا ??
? ثبتي هدّي واسمعيني رح أحكيلك اليوم عن #اللعب_وأهميتو_بتطوري ? أبداً ما تستخفي بهالحركة تبع أمسك رجلي وقربها لتمي وألعب فيها هي حركة رياضية مهمة من خلالها بتواصل معك ومع بابا وبخلي ضحكتكن شبر وبخلي ال يا عمري توصل لعند جيراننا ?♥️
? لازم تعرفي أني بعمر الشهر بتواصل مع العالم من خلال تفاعلكن معي يعني ببلش ميز أنو بهالعالم في أصوات لما بسمع صوتك الحنون .. في وجوه وناس لما بشوف وجهك الملاك ووجه بابا وتيتا والعيلة .. وبتعلم مع العادة والوقت أنو أنتِ وبابا خلقتوا لتلبولي احتياجاتي ولتأمنولي البيئة الدافية لأكبر وأتغنج كمان ♥️
? بهالعمر أنا بحب أتأمل وجوهكن أنتِ وبابا وبجاوبكن بس تحكوني بس بلغة تواصلي مو لغتكن المعتادة يعني رح تقليلي مامي يقبرني هالوجه وأنا رح ردلك بتكشيرة تعني بعيد الشر عن قلبك وبعدها ابتسامة عابرة تعني يخليلي ياكِ ?
رح تعملي هديك الجلقة حركات خنفشارية وتشيلني وتحطني وتتغالظ عليي وأنا ببساطة رح رد بوواااع يجيبك لعندي لتاخديني لحضنك أهدى وأكل ونام .. ورح اسمع جملتك المعتادة ” #الولد_بحب_أمو_بس_منشان_الحليبة ” ولصلحلك يا ماما الزعلان منها أنو أنا بربط وجودك بالتغذية والطعام صح بس كمان بربطو بالدفا واللمسة الهادية والأمان يعني مو بس منشان الحلوبات وبلاهن إذا بدك تمننيني فيهن ..لا شو بلاهن عم أمزح عم أمزح ?♥️
? بعطيكِ أسرار لتعرفي تتواصلي معي وكل مامي تتواصل مع طفلها بس ما تقولي لحدا .. بيناتنا بيناتنا ?
أوعك بعمرك تقللي حكي معي وتفترضيني صغير ما بفهم .. تعاملي معي دوماً أني شب قوي وقبضاية وحكيلي كلشي عني وعنك كأنو عمري ٢٠ سنة ولو شي مرة حكيتيلي ونمت معلش .. رجعي عيدي الحديث .. المهم تعتبريني رفيقك ونضل نتحدث ?
شغلي موسيقى هادية فيروز أي وحمليني وغنيلي معها بهدوء مو أنا لما بحب بحن بجن ما بعرف شو وتطيريني بالهوا ? هدوء ماما هدوء إلا إذا أنا فضلت الأغنية فرغباتي طبعاً أهم من العلم ?
تعويذات ” غيي يا مامي الحلو يا قلبي وكي وكي دندن وما بعرف شو ” مهمين وصح .. ووقت تعملي حركات بوجهك وشغلات هيك تضحكني .. لذيذات ومهضومات بحبن وبحبك ?
وضعية غليندايزر مهمة لتقويلي رقبتي وكتفي بس انتبهي كون فايق ومبسوط وبمجرد عيطت بكون تعبت شيليني ?
آخر شي اقرأيلي .. قصص حكايا أحاديث
بينفع تقرأيلي قصة حبنا وعشقنا وعهد أمومتك الحنونة يلي بحضنها عم أكبر عم أتدلل وعم كون أسعد بيبي بالكون مو لشي بس لأنك ماما ♥️ ماما الحنونة ♥️
كنت معكم سَماح صالح محمد ♥️
المصدر:
https://kidshealth.org/en/parents/learnnewborn.html#catstomach
